Organismos de goberno

O Pleno é o órgano con maior representación política da cidadanía dentro do goberno municipal. Está formado polo Alcalde e os Concelleiros, (é precisamente ao Alcalde a quen lle corresponde convocar e presidir as sesións plenárias, aínda que pode delegar nalgún dos Concelleiros).

O Pleno ten un regulamento propio de carácter orgánico, e tanto o seu funcionamento como a organización do seu contido están recollidos no regulamento municipal. Está formado por unha Secretaría Xeral e unha serie de Comisións encargadas de xestionar diversas áreas de goberno e dar conta das mesmas ó Pleno.

Dependen do Pleno os acordos relativos á modificación da composición dos límites do termo municipal, ou os acordos de participación do Concello ante os órganos supramunicipais. Del dependen tamén decisións como a aprobación e modificación de normas orgánicas, ordenanzas, orzamentos, cadros de persoal, regulamentos municipais, etc.

Outra das funcións do Pleno municipal máis relevante, dentro das tarefas de inspección e control dos órganos de goberno, é a votación de mocións de censura e confianza.

Así mesmo, o Pleno depende da aprobación inicial e definitiva das actuacións urbanísticas, da transferencia de funcións a outras Administracións ou da determinación da forma en que o Concello xestionará os servizos municipais.